گروپی فهرههنگی و تێڕامانی ڕوناکبیری له ههورامانهوه :

( ئاماژه بهڕوداوهکانی نێوان ئهندامانی ڕاوێژکاری شهبهك و حهنیین قهدۆ نوێنهر لهسهر ئیئتلافی یهکگرتوی شیعه لهئهنجومهنی نوێنهرانی عێراق لهکۆشکی کۆنگرهکانی بهغدا ، ڕێکهوتی 11 ی 10 ـ 2008 )

یهکهم : زۆر بهسهختی ڕهخنه لهو دهستهی نێو خزمه شهبهکهکانمان ، که بهههر هۆیێکهوه بێت ، دهخوازن دهستکاری ڕهسهنایهتی کوردبونی شهبهك بکهن و بهلاڕێدابیبهن ، دهگرین .

لهکاتێکدا پشت بهههمو سهرچاوه مێژوییهکان ، دهسهلمێنرێت که ئهوه شهبهکهکانن لهگهڵ بهشێك لهپێکهاتهکانی دیکهی کورد لهمێژودا شانیان داوهته بهر ڕسکانی نهتهوهیهکی ڕهسهن تاوهکو جیاواز بێتهوه لهگهڵ نهتهوهکانی ( عهرهب ، تورك ، فارس و ههموکهمهنهتهوهکانی دیکه لهناوچهکهدا ) . کهئهویش نهتهوهی کورده .

دوهم : هاوکات پشتگیر و پشتیوانی ههمو ئهو دهنگه دلێرانه دهبین ، که پێداگری لهسهر کوردبونی شهبهك لهنێو خزمه شهبهکهکانماندا دهکهین . لهگهڵ ئهوهشدا ئهو لێکدانهوه دوربینانهیان بهرز دهنرخێنین کهزۆر بهجوانی مهترسیهکی گهوره لهپشت ئهو دهنگه لهرزۆکانهوه ههست پێدهکهن و بهتهواوی توانایانهوه لهبهرامبهریان وهستاون و دهوهستن ..

سێیهم : بهردهوامبونی بیروباوهڕی شۆفینستانهی عهرهب و نهتهوهکانی دیکهی ناوچهکه بهڵام بهجۆرێکی دیکه کهلهگهڵ سهردهمدا بگونجێت ، وهبیر ههمولایهك بهتایبهت دهسهڵاتی کوردی دههێنینهوه و مهحکوم و ڕسوای دهکهین .

چوارهم : هاوکات ڕهخنهی توندیش لهدهسهڵاتی کوردی دهگرین ، کهبههۆی سیاسهتی نادروست و فهرامۆشکاری پێکهاتهکانی کوردهوه . بههۆی سیاسهتی کاڵکردنهوه و بههیندوهرنهگرتن و چهپاندنی ئهوانی دیکهوه ، کوردیان وهك نهتهوه و کوردستانیشیان وهك نیشتمان خستۆته بهر مهترسیهوه .

لهوپێناوهشدا ههچی زوتره پێشنیار دهکهین که :

1 . خوێندنهوهیهکی دروست بۆ سهرجهم پێکهاتهکانی کورد بکهن و سیاسهتی گهشه و بهرهو پێشهوه چون و پهرهسهندنیان بگرنهبهر ، نهك چهپاندن و کاڵکردنهوه و ههوڵدان بۆ تواندنهوهیان ، که ههرگیز شیاوی پهسهندکردن نییه .. نهك لهدانانی چهند کهسێك لهدهسهڵاتدا بهو مانایه گوزارشتی بکهن گوایه چارهسهری ههمو گرفتهکانیان کردوه .

2 . بهبیرتان دههێنینهوه ( ههورامانیهکان و شهبهك و ئیزدیهکان ) سێ لهپێکاهاته گرنگ و ڕهسهنایهتی کورد دهسهلمێنن . بهشێکی بهرچاوی ژمارهی دانیشتوان و جوگرافیای کوردستان فراوان و پان و پۆڕ دهکهن . فهرامۆشکردن و بههیند وهرنهگرتنیان زهنگی مهترسیدار لهههناویاندا ههستی پێدهکرێت . مێژوش ئۆباڵهکهی لهئهستۆی دهسهڵاتی کوردی دهخات ..

3 . بۆیه ( پێش ئهوهی کار لهکار بترازێت ) سهرهڕای گرتنه بهری ئهو کاره پێویستیانهی که ئهو ڕهوشهی ئێستا بڕهوێنێتهوه ، دامهزراوهیهکی ئهکادیمی فهرههنگی کهلێکۆڵینهوهی ورد لهسهر هاوبهشبونی فهرههنگی نێوان ههورامانیهکان و شهبهك بکات ، بهپێویستیهکی ههنوکهیی دهزانین .

گروپی فهرههنگی و تێڕامانی ڕوناکبیری ههورامان

13ـ 10ـ 2008