یادت ههر مهنو!

مهرگ وگهڵاریزانوو تازه وههاره پهنه یاواکهو ههورامانی، مامۆسا جهلال  سهلیمی که به دیای و چهم پهنه کهوتهیش دڵ و دهروون شادبێ، هومید    وئارهزوهکا وهراوهر به سهخڵهت ومهینهتهکاو ژێوای چرۆکهری، ناهۆمیدیهکا به گڕهو دل ودهرونیش تاونێوه، ناخهو ویژدانوو نابهرابهریهکاومرۆڤی چڵاکنیره وهێوا ومهنزڵ گرتهی جهقهلاو مرۆڤایهتینه دژ به فهرق وجیاوازی وستهمه نهتهوایهتیهکا دهس نێشان کهری  و ئارهزوومهند بێ تا ژێوای مهردمی نهبۆ به ژانی، و به چهکوو مرۆڤایهتی  یو بتاؤو تهنگ و چهڵهمهکا ژێوای چارهسهر کهرۆ. بهلام مهخابن دنیاو ئاواتهکاش جه کتووپرهنه کهوت دهمهو دارێ بی رهحمانهو ئهجهلی ومهرگ بی به میمانش وشێنوو رۆرۆ و داخ و سکاڵا بی به ئاههنگوو ئی کارهساتی، بهلام نامی و یادش وئا فکر و ئهندیشه بهرزاشه پهی ههمێشهی ئینێ دڵ و مهژگمانه. مامۆسا جهلال سهلیمی به راسی سهلیم بی. سهلیم و وهفادار به خهڵک و هام نهوعی، به نیشتمانی به دۆسایهتی و پا گریبهسه مرۆڤایهتیا، که پهی جیبهجی کهردهیشا جه ئاسیاوه یاوا ئوروپا وجه وهراوهرشهنه تهخت ئاسا، بهردهوام بێ ، کاک جهلال به راسی شههیدا. شههید تهنیا ئانه نیا که سهنگهرهنه گیانش فیدا بۆ. جه ههقیقهتهنه ههر مرۆڤی که ههستش به ستهم و ئازار و مهینهتهکاوخهڵکی کهرد وهام راز و هامدهنگو کێشه کۆمهلایهتیهکاو خهڵکی بۆ و جهماوا و نیشتمانش به زۆر تاریۆ وخهموو دووره وڵاتی بۆ بهبهشش ومافه ئینسانیهکاش پاشێل کریا و  وهراوهر به فهرههنگو وکهسایهتی وێ جه دووره ولاتینه ههست به بیگانهیی کهرۆ به راسی کاریوێ ئاسان نییا و مهرگیچش مهرگیوی ساکار و سرۆشتی نییا. ههر پێ روانگا  ئینسانیه ،مرۆڤ دۆسی چوون مامۆسا جهلال شههیدو جهسهیی ودهروونی دهسو دیکتاتوراو کۆمارو ئیسلامی ئیرانین .پێ بۆنهوه پهرسه وسهره وهشی وێم ئاراستهو بنهماڵهو برای وهشهوێسیم کاک جهلال سهلیمی و سهر جهم خهڵکو ههورامانی کهروو.

نامێ و یادت ههر مهنۆ دڵ و مهژگمانه، ئهی ئاواره و تاریای دیارووههورامانی!

ئهحسهن نهقشبهندی