یانه‌

مەملەکەتو هۆرامیەکا مەشېۉندې

چی ماۉەنە چند پەرسېۉ سەرو زۉانی هۆرامی ئامێنە دلې کە بازېۉشا ئېمەیچ برېۉ جواب دێۉە بەڵام هەر چی ماۉەنە جە لا بازېۉ دؤس و هەماڵاۉە داۉاما ۉەنە کریا تا فرەتەر

 سەرشا بلمې. منیچ بازېۉ چانیشامە گلېرې کەردېنێ تا پېسە پەرسې پەرسوشا جە وېم و پېسە جوابیچ جوابشا دەوۆ. بە هەمېدو ئانەیە وەشتەر بیاۉا و خاستەر بنیشا.

پ ـ بە پاو ئامارېۉی سەرپەنجەیی کە ئینا دەسو بازېۉیۆ، ماچیؤ ئەغڵەبو ئا کەسا کە باسو زۉانی هۆرامی مارانە، هۆرامیې بەشو هۆرامانو ئېرانیەنې و کە پاسەنە چی داۉا ئۆ حکومەتو ئېرانی مەکەرا؟

(0)سه‌رنجېو چێ بنیه‌ره‌. سه‌رنجې‌

فره‌ته‌ر بوانۆ

 

پەیاموو یونسکۆی

  بە بۆنەو ڕۆ گەردوونی زوانی ئه‌ڎایی

وانای و پەروەردە  و وەڵاکەردەیەو زانیاری بە زوانی ئه‌ڎایی بێ گومان پەی ڕەوت و کارایی فێربیەی بە گردی حاشاهۆرنەگێرەن و پەی بەرزبیەیەو باوەڕ بە ویبیەی(اعتماد بە

 نفس) و وێوەشسیای و ڕیز جە وێ گێرتەی(عزت نفس) فرە پەیوازەن. ئی دوە تایبەتمەندیا هەرپاسە هاندەری فرە کاراێنی پەی وەڵکەوتەی و سەقامگیری کەسایەتی.

--. ژیواو ئێمە گرێدریاو زوانەکەیمانە. فەرهەنگەکا، پەیلوایەکا، هەستەکا و ئاواتەکا پەی دنیایە خاستەرێ بە پلەو یۆهەمی جە ڕاو زوانیەو و بە واتێ تایبەتێ  ئا زوانیە بەر وزیا و وێشا مرمانا. بەها مرۆڤایەتیەکا و ئا دورەدیمەنا کە کۆمەڵگاو مرۆڤایەتی دەوڵەمەنڎ  کەرا و ماناش پەنە مڎا ، جە ڕاو زوانیەو ڤاریاوە.

خاتوو ئیرینا بۆکۆوا وەرپەرسەو یۆهەمەو ڕێکوزیاو یونسکۆی سەر بە نەتەوە یۆگێرتەکا بە بۆنەو ڕۆ گەردوونی زوانی ئه‌ڎاییەو پەیامێوەش جە ڕۆ 21.02.2017ی ئاراستەو ویرووڕاو گردی جەهانی کەرد. دەقوو پەیامەکەی بە زوانی هەورامی پی جۆرەنە:

(0)سه‌رنجېو چێ بنیه‌ره‌. سه‌رنجې‌

فره‌ته‌ر بوانۆ

 

پەیامو ئەنجمەنی فەرەنگی هۆرامانی - سوید

پەیامو ئەنجمەنی فەرەنگی هۆرامانی( سوید)

پەی کار گېڵنا و بەشدار بیا جە گلېرۆ بیەو گرنگی دای بە ڕؤ جەهانی زۉانی ئەدایی جە هەڵەبجەنە.

وەشە ۉیسا ۉېنې هەرمانە بە نرخەکېتا چەمما پەنە کۆتې و بیې بە یاگې وەشحاڵی و دڵگەرمیما.

وەشبەختانە زانست ڕؤ بەرؤ بەرې تازې کەرؤۉە و دیارگێ و دەرەتانی تازې مرمانؤ. سەرو زۉانی ئەدایی تا ۉا لۉان ۉەرۆ کە باس کەرؤ ئانە کە زاڕؤڵە جە ماۉېۉی کەمەنە گنؤ قسې، بې ئەو نیا و مانێۉەش ئانېنە کە تەنانەت جە لەمەو ئەدێچشەنە دور جە شؤنەما ۉسەی زۉانو یانەی و بە تایبەت ئەدێ نەبیەن، ئەندا زۉان فېر بیەی سەختا و وەخت بەرؤ.

(0)سه‌رنجېو چێ بنیه‌ره‌. سه‌رنجې‌

فره‌ته‌ر بوانۆ

 

یاساو زۉانی جە ئېراق و جە کوردسانەنە

بە بؤنەو ڕؤ جەهانی زوانی ئەذایی  21/2/2017 ،ئێمەی هەورامی  چی ڕؤنە  داوکارینمې بە پاو ئا یاسایا  هەکە جەعیراقی فیدرالەنە و هەرېمو کوردسانینە بەرشیېنې،  ددان

نریؤ زوانی هەورامیرە پېسە زوانێ  ناوچەیی جە کوردەسانەنە، هەڵبەت بە پاو دەسورو عیراقی پالو زوانی عەرەبینە  زوانی کوردیچ (سؤرانی) بیەن بەزوانێ فەرمی، وەلێ سەرنجە مدەیمی و داخەما مەشؤ هەتا ئیسا  یەک پەرلەمانتارما نەدی جە پەرلەمانو عیراقینە  بە کوردی قسې کەرؤ،بەپاو یاساکې مەشؤ زوانی کوردی جە عیراقەنە بەکار بێ هامشان و زوانی عەرەبی جە گرد ویەرەکانە (بوارەکانە )،هەتا ئیسا یەک بەڵگەنامە و پەرلەمان و عیراقی بەزوانی کودی نەنویسیان، ئینە یانی وێما پاشېلو دەسورەکەیما کەرد  ،بەلام بە عەکسؤ جە پەرلەمانو کوردەسانیە هەرچی یاسێ بەرمشا بەزوانی عەرەبین و دماتەر کەراش بەسؤرانی، ئېدیچ هەم پاشېل و دەسورو یاساوزوانین، مەشؤ پەرلەمانو کوردەسانی بە زوانی کوردی سؤرانی یاسا بەرکەرؤ  و بؤنە بە مەرجەعی ئەسڵی ،ئینجا فاڕیؤ سەرو زوانەکا تەری،"بەپاو یاساو زوانی کە جەپەرلەمان وکوردسانی بەرشیېنە" 

(0)سه‌رنجېو چێ بنیه‌ره‌. سه‌رنجې‌

فره‌ته‌ر بوانۆ

 

ڕؤ جەهانی زوانی ئەذایی

 

( International Mother Language Day ) :

زوان پایێوەن جە پایە گرنگەکا پەی ئەشناسای تاک ی ،فیسپەگای،میلەتی،نەتەوەی، بە ئەشناسای  زوانی تاومې نەتەوەکا جە یؤی جیاکەرمێ .

زوان ئامڕازێوەن پەی :

1.       ئاشتەوایی و پېوەرە ژیوای.

2.       نونگەو  وەڵکەوتەیی و گەشە کەردەیی  و دروس کەردەیی شارستانیەتین.

3.       ئەنە یاوای  ئەو ڕوداوەکا جەھانی و  بەستەیشاوە  بە ناوچەکا  تەریوە.

4.      - گېڵنایۆ ویەردەی (مێژوو)  و ئیسای  و ئېستەیۆ پەی لوای و  ویرکەردەیۆ پەی دماڕؤی.

5.    پەیوەندی و ھامؤشؤ و تېکەلاوی کەردەی ھەنترینی، ئینەیچ بۆبایس و جمە و فارای و وەڵکەوتەی ،کەواتە فرە زوانی  یانی بیەی بوارێ فراوانتەر پەی زوانەکا تا بە ئازادی  کارو چالاکی وېشا کەرا.

یؤنسکؤ و زوانی ئەدایی꞉

(0)سه‌رنجېو چێ بنیه‌ره‌. سه‌رنجې‌

فره‌ته‌ر بوانۆ