یانه‌ شېعرې خەموو شێعرێوەم

خەموو شێعرێوەم

 

 پەی رۆحوو بەرزوو کاک موحەمەد موستەفازادەی

ماڵئاوا ئازیزم 

***                                  

تابلۆکەم سپارا

بە کونجوو چەمات

تاجە دەفتەرەکەو ''مەولەوی''

شێعرێوە گیروو باڵاو کۆچ کەردەیتەرە.

هەسارەکەیچم

جە شەوە زەنگوو

وەرزوو زمسانینە

وێش سپارا بە باڵاو ''قوتبی''

تا جە رۆحوو ''بەسەڵەکانە''

کەوێڵێوە وەشەسیاوی

بازۆ جیای

ماڵئاوا ئازیزم :

زمسانی هەناسە سەردیچ ئاما و بەرگی چەرمەش کەرد باڵاتەرە؛ ''سیروان''پەنگش واردە و چەمێش پەڕێ بیێ هەرسی و دڵش مدرا !  ئازیزەکەم ؛ شۆن و ماو قەڵەمیت ، درێژەڕایێنە ، نەبڕیاوە و نەمانیا .

من قەڵەمێوەم هەن !

کۆمیاوە و پیر،

بێ ئاو و بێ تین !

جا چکۆ ئی گردە شێعرا و

باڵایت و

رۆخساریت

یۆزۆوە

و

بنڤیسۆ !

من نیمە هەناسێوەم

پەنە مەنەن !

جا چکۆ ئی هەناسە پاییزیمە !

بڕکەرۆ

تا یاڤۆ

لاو هەناسەی

ئەهووراییت !.

ماڵئاوا ئازیزم .

***

بورهان هەورامی – مەریوان زمسانوو 1391 و کۆچی رۆجیاری

 

 

سه‌رنجې

  • 1) سه‌رنامه‌ش نیا

    Author: ئامینه موسته فازاده

    سه‌ره‌نجاموو گردیما هه‌وه‌گێڵه‌یا *** کام وه‌سفت خه‌یاڵ ، کام شێوه‌ت یاد که‌م په‌ی کام خه‌سڵه‌تت داد و بێ داد کــــــه‌م ** هه‌رچه‌ن ئێمه‌ پێسه‌ جیامه‌نا و خانه‌واده‌و مه‌رحووم موحه‌ممه‌د مسته‌فازاده‌ی خه‌موو جه‌ ده‌س دای ئا جوانه‌مه‌رگیه‌ ته‌نیا به‌ خه‌موو وێما مه‌زانمێ و به‌ڵکووم به‌ له‌تمێو په‌ی زوانی هه‌ورامی و هه‌ورامانیش منیه‌یمێره‌ ، به‌ڵام به‌ ئه‌رکوو سه‌روو شانه‌و وێما مزانمێش جه‌ گرذوو ئا که‌سا که‌ به‌ ئامای په‌ی په‌رسه‌یش یام به‌ ته‌له‌فوون و یام به‌ نویسته‌ی په‌رسه‌نامه‌ی جه‌ دنیای مه‌جازیه‌نه‌ ، به‌ تایبه‌ت دۆسێ وێش و قه‌ڵه‌م به‌ ده‌سێ هه‌ورامانی ، په‌رسه‌و سه‌ره‌وه‌شیشا به‌ ئێمه‌ واته‌ن ته‌شه‌ککۆر که‌رمێ و لاڵیه‌یمێوه‌ خوای گه‌وره‌ی که‌ هیچ وه‌ختێو خه‌م و خه‌فه‌ت نه‌وینا و ئێمه‌یچ بتاومێ جه‌ شاذیشانه‌ بیمێ زه‌حمه‌ته‌کاشا جبرانێ که‌رمێوه‌ جه‌ لاو جیامه‌نا و خانه‌واده‌و مسته‌فازاده‌یوه‌

سه‌رنجېوی تازه‌ بنیه‌ره‌‌