یانه‌ شېعرې شه‌ماڵو هۆرامانی

شه‌ماڵو هۆرامانی

چی بینه‌نه ته‌ماشۆ دفته‌رو یادداشته‌کام که‌رد که پاکنویسشا که‌روه‌وه ئی قسه و باسمه چنی جوتیاریوی فه‌قیری جه که‌لا‌ته‌رزانه‌نه یوسه‌وه ، راسیت که‌ره‌کا ده‌فته‌ره‌که‌م دڕیان، نه‌تاوام گردی بوانوه‌وه . به‌لام ئینه‌یه‌ کیانو، ئاوه‌خت هه‌ر به هورامی نویسه بیم .هیواداره‌نا بتاوی بوانیشه‌وه. دمای ئه‌گه‌ر گردم نویسۆ په‌یت کیانو.

هه‌ر قسیم چنی که‌رد واتش: به حه ز نیا! ئه گه‌ر به حه‌ز بو .....!!!!

واتم ئه‌ی حه‌ز که‌ری چیش بی؟ واتش حه‌زکه‌رو گرچیو بو و ده‌ردۆ گیرچیوی بوه‌رو..... هه‌ناسیوش هور کیشا وته‌ماکوکه‌ش به‌ر ئارد و جگه‌ریوش پیچاوه ، چنی روشن که‌رده‌ی جگه‌ره کیش.....
سه‌ره‌ش وسه‌ره و چه‌میوش وس په‌ی پاله دڕیا‌کاش، هه ناسیوش هورکیشا و واتش کی حه‌ز مه‌که‌رو جوتیو پاله‌ی تازی بو و زارولیو که‌روشانه و پنه‌شا بلو ڕانه تا په‌یش نه مدرا گیر!. کی حه‌ز مه‌که‌رو هانۆ ئاوی بو زارولیوی ته‌ژنه ده‌مش بنیونه ته ژنایش کشونه. کی حهز‌ مه‌که‌رو داریو بو بیشکیش پنه وه‌شکه‌را و زارولیو دلیشنه بوسونه، یا که‌راش به دیمه‌ک و پلیکانیش پنه وه‌ش که‌را تا زارولی پاش بنیا سه‌ر و بلا په‌ی مه‌درسه‌ی، یا که‌راش به‌ کاغه‌ز و کناچیوه سه‌رشه‌وه نامیو بنویسو په‌ی وه‌شه‌ویسه که‌یش،کی حه‌ز مه‌که‌رو ته‌وه‌نیوه به‌رزه بو‌نه و چیرو ویشه‌نه‌ یوی په‌نا دو که‌ نه‌کوشیو، کی حه‌ز مه‌که‌رو واران بو  و وارو ملو زمینیه‌ره و ته‌ژنای ولهکا کشونه؟
حه‌ز که‌رو سوزه‌لانی بو حه‌یوانه‌کی بوه‌رام په‌ی ئانه‌یه ئاوراشا نه‌بو !!!!!!!! من حه‌ز که‌رو گرچیو بو به‌لام به حه‌ز نیا گیانو لالویش.
من ئینه‌نا که وینیم، ساحبیو تا ویره‌گا ئه‌چی زه‌مینه‌نه کار که‌رو ، ته‌مامو وه‌هاری، هامنی، پاییزی، خه‌ریکه‌نا مه‌تاوو هیتیو پاله‌ی پسانو !!!! به حه ز نیا ئه‌گه‌ر به حه‌ز بیایا!!!

 

سه‌رنجې

  • 1) سه‌رنامه‌ش نیا

    Author: الف-ش

    سڵام شه‌ڵای به‌ جای جووتیاری نویسه‌یات : هیتیار

سه‌رنجېوی تازه‌ بنیه‌ره‌‌