یانه‌ شېعرې سیامەند هۆرامی جوابېۉ پەی مامؤسا پەشېۉی

جوابېۉ پەی مامؤسا پەشېۉی

Download Embed Embed this video on your site

جوابېۉ پەی مامؤسا پەشېۉی، شاعېری ناسک خەیاڵ و دەسەڵات دار، کە سەرو شېعرەکې حۆزەلارەی، جە شېعرېۉەنە گلەیېش کەردې بېنې کە چی من ئا شەۉە لۉاناۉە لا حۆزەلارەی و ئادم ئاگادار نەکەردە بیەن...

ئا شەۉە قەرار بې دەرەگماڵې ئا هەۉاڵیە بیاۉنؤ کەچی بە داخۆ نەتاۉا بېش و پا بؤنۆ پېسە باس کەرې؛

ئەمن ئا شەۉە سؤ کزی چەمام
هېزو تەۉانم ئەسا بې تەمام

نە قەڵوەزېۉم قرمە نمانې
نە جۉبارېۉم مۆجېۉە شانې
ئا شەۉە کزیم وېش مېدان دار بې 
ئەسپش تاو دا بې و تاکە سوار بې
ئا شەۉە زانام چېشم سەر ئامان
چون تاڵان کریا چنیانم سامان
نە ۉەزەنېۉەم هېزېۉش چەنە
نە نەسیمېۉم سرۉېۉش پەنە
خەیلېۉا ساڵېم وشکە ساڵېنې
تەپ و دوېنې و تەم و تواڵېنې 
نە پایز پەڵېۉ مدؤ نۆ ڕەزا
نە زمسان ڕچېۉ ۉزؤ ئۆ بەرزا
ئاسمان ۉەهارېم کؤگێ داهؤڵا 
گوزەرگێ هۆرا جە ۉاران چؤڵا
چەمېم چەمەڕێ شرېخې تاۉېۉې
جۉېم تامەزرؤ خوڕەو ئاۉېۉې
دەی من چېش کەرو دەسو ڕؤزگاریۆ
دەسو رؤزگاری پەڕ عەیب و عاریۆ
نە تافم ڕەنگ و بؤ جارانیشەن
نە نەسیم هەۉاو دیارانیشەن
بې کەسی دانش دەسو کەمانم
بې دەنگی تەنان وەخت و زەمانم
ڕەت ۉەڵاییم سەخت زؤرش ئاۉردەن
هەر لێۉم سەد  لاش ئالودەی دەردەن 
تا زؤخ و زام بؤ چەنەبەر بەرو
پەی بې پەشېۉیم مەزا چېش کەرو؟
سیامەند هۆرامی

 

سه‌رنجې

No Comments, be the first to Comment

سه‌رنجېوی تازه‌ بنیه‌ره‌‌

 
 
 
 
 
 
 
 

Last Updated (Friday, 12 May 2017 18:33)