یانه‌ هه‌والې کؤچو مامؤسا هەیاسی

کؤچو مامؤسا هەیاسی

په‌رسه‌ و سه‌ره‌‌وه‌شی ویرچه‌مه‌و هۆرامانی په‌ی کوچوو مامۆسا هه‌یاس غه‌ریبی

ڕاو گردیما ئه‌وه‌گێڵاین

به‌دبه‌ختیی منه‌ن وه‌ یانه‌م هه‌ره‌س

ئازیزێ چون تۆ نمه‌گنۆم وه‌ ده‌س

یانه‌ وێرانی هه‌ر وه‌ من ئامان

نمه‌تاوو گرته‌ی که‌سێوی دامان

مه‌رگێ غه‌ریب‌ و بێواده‌و شاعیروو وه‌ڵاتوو سیاوچه‌مانه‌ی و کۆنه‌هه‌وارانی کاکه‌ هه‌یاس غه‌ریبی په‌ی خه‌ڵکوو شاروو هۆرامان ته‌ختی ده‌ردێوه‌ گران و سه‌خته‌نه‌‌ و په‌ی زوان و فه‌رهه‌نگوو هۆرامانی خه‌ساریه‌ گه‌وره‌. به‌ کوچی غه‌ریبش یانه‌و هۆرامانیش به‌رده‌نه‌ دلێ خه‌م و ماته‌می و داخدارێش که‌ردیمێ. ده‌سپه‌نه‌و هه‌راڵه‌که‌رده‌و باخوو شاعیریشه‌نه‌ خه‌زانی زه‌ردی پاییزیش ئه‌رمانا په‌نه‌ما‌ و مه‌یدانوو ئه‌ده‌بیاتی هۆرامینه‌‌ یاگێوه‌ گه‌ورێش هاڵیه‌ که‌رده‌. شیعره‌ش ڕۆشنایی دڵا بێ و بانگده‌روو مه‌ینه‌توو هه‌ژارا. سۆزش، هه‌ناسه‌و ئه‌راگێڵاو کۆساڵانوو ئاواتا بێ و ئاهووناڵه‌و ده‌رده‌دارا. هه‌رچه‌ند ئێمه‌ وێمان به‌ ساحێب خه‌م‌ مزانمێ به‌ڵام پی بۆنه‌وه‌ ئی مسیبه‌ته‌یه‌ به‌ خانه‌واده‌و ئا مه‌رحوومه‌یه‌، مه‌ردموو شاروو هۆرامان ته‌ختی، سه‌رجه‌موو خه‌ڵکوو محاڵوو هۆرامانی و باقی ئێنسانه ئازادیواز و فه‌رهه‌نگ دوسه‌کا‌ ته‌سلیه‌ت عه‌رز که‌رمێ. جه‌ یه‌زدانی گه‌وره‌ی په‌ی ئا کوچ که‌رده‌یه‌‌ به‌هه‌شتی به‌رین و په‌ی داخداره‌کاش و ئه‌وه‌مه‌نه‌کاش سه‌بر و تاقه‌ت موازمێ.

ئه‌نداماو ویرچه‌مه‌و هۆرامانی

21 ترازیێ 1394 کوچی ڕۆجیاری

13 ئوکتوبر 2015 میلادی

سه‌رنجې

No Comments, be the first to Comment

سه‌رنجېوی تازه‌ بنیه‌ره‌‌