یانه‌

ڕازۉانی هۆرامی

ئەگەر پەی دەنگە ھۆرامییە جیاۋازەکا ھیما/ پیت نەنیێمیرە، چنی چارەسەرو ئی گرفتا کەرمۍ

ئاکو مارانی

١٢و نوۋەمبەرو ٢٠١٦

بەشی یەکەم

دیڎۍ / Diḓih = بابەژەنی

دیدۍ / Didih = واڵە گۆڕۍ یان مەتییە

ئەگەر ئیمە ھەر دۋۍ واژەکا پیسە (دیدی) بە ھەمان ۋاتەو نامو کومیدیکاری ئاڵمانی ( دیدی Didi)*، ھەم تیکەڵیبا و ھەم ئەۋەوانایشا ھەڵەن و پیسەو (دیدی Didi) مونیاۋە، کە ھەردۋە واژەکۍ بیجگە جیاوازی واتاو ئاماژەیشا، بە دەنگو (ۍ) کوڵۍ پیسەو دەنگو (دیدؚھ - Didih و دیڎؚھ - Diḓih) مونیاۋە و ئا دەنگەیچە بە بەکاربەردەو (د) و (ی) دلینەملۊ.

دەنگو (ڎ) چە دلیڕاسی و کوتایی واژینە مێۋ و دەنگیۋی فرە ئاشکرا و جیان چە دەنگو (د) و ئەگەر ئیمە بە پیتو (د) یاگیشگیرمیۋە، ھارمونی و وەشئاۋازی زۋانی ھۆرامی تیکمڎەیمۍ و ھەڕیۋە ھەسە پەی نەوەکا ئایەندەی گیرمیۋە.

ئەگەر کەسیۋ ئەجوش ھەردۋە واژەکۍ ھەر یەك واژەنۍ و سەرو پەیلۋێۋی چامنەیە پاگیرۊرە، دەی مشیۊ ئانەیچە سەلەمنۊ؛ چی ھەزاران ساڵۍ ھۆرامییەکۍ پەی یەك پیتی دۋۍ دەنگیشا بەکەربەردینۍ؟

ئایا ھۊنەریۋی پیسەو (سەیدی ھۆرامی) ئیننەو کەسیۋی فارسی-زەدە یان سۆرانی-زەدە و عەرەبی-زەدەی ئا چیۋەشە دەرکنەکەردەن؟

یان یەک-زۋانی ناسیونالیزمی و سەرتاپاگیری دۊڵەتی پیسەو چەشمەکە لیڵا ۋەرەو چەما کەسانیۋیش گیرتەن، کە گەرەکشانە زۋان چە کایەی ڕامیاریی و ئایدۆلۆجییەنە قاڵبدا و کەراش قوربانی نەتەوەسازی؟

---------------------------------

* Dieter Jürgen Hallervorden „ Didi “ نامۊ ھونەرمەندیۋی کومیدی دیارو ئاڵمانی، کە ساڵاو دەھەو ھەشتاو سەدەی ۋیەردەی فیلمەکیش ئیمە سەرگەرمکەرینۍ

سه‌رنجې

No Comments, be the first to Comment

سه‌رنجېوی تازه‌ بنیه‌ره‌‌

 
 
 
 
 
 
 
 

Last Updated (Tuesday, 22 November 2016 11:34)