یانه‌

هېماکې بەشو ٣

ئەگەر پەی دەنگە ھۆرامییە جیاۋازەکا ھیما/ پیت نەنیێمیرە، چنی چارەسەرو ئی گرفتا کەرمۍ

ئاکو مارانی

٢٦و نۆڤەمبەرو ٢٠١٦

بەشی یەرەم

کۊ = کەژ

مو = توك

ملوو = کردارو (لۋای) پەی یەکەم کەسی تاکی/ بکەر/ قسەکەر

موسۊ= ئەگەر سەرنجدەیمی چاگەنە بە ئاشکرا جیاوازی (و) و (ۊ) ھەن، بەڵام بەمەرجیۋ کە پیسەو ھۆرامی ئا واژۍ بوانمیۋە، نەك پیسەو سۆرانی-زۋانی یان فارسی-زۋانی!

کوڕو ئاڎۍ = (و) ئامرازو خاوەنداریی، ئەۋەگیڵای چیۋیۋی پەی چیۋیۋی تەری، کە تاك (و)ی ئاساییا و دەنگش چە ئەویشا تەری جیاۋازا.

ملوو = من پەی بازاری ملوو. [ کردارو (لۋای) پەی یەکەم کەسی تاکی / قسەکەری ]، ئەگەر سەرنجدەیمۍ و بە وردی و ھەستیاری گوشگیرمۍ، دەنگو (وو) تەمام دریژا.

نمونۍ پەی واژۍ یەکەمی : لۊ، تۊ، سۊ، ملۊ، گنۊ، موسۊ ، دۋۊ، مرۊ ، بلۊ ، گلیرۊ ، موەرۊ ، کەرۊ ، ماچۊ، ...تد

نموونۍ پەی واژۍ دوەمۍ : خو ، کوڕو ، تاتەو ، کوڵەکۍ ، جولەکۍ ، ...تد

نمونە پەی واژۍ یەرەمۍ : باخو من ، پەرتووکو تۊ، کناچو ئاڎۍ، ...تد

نمونە پەی واژۍ چوارەمۍ : موەروو، موسوو، ھورزوو، پاڵگنوو، موانوو، منۋیسوو، ...تد

ۋاتەی (ۊ) : ئەگەر بە وردی گوشدەیمۍ و پەی ژنەفتەو ویما ھەستو ویما گیرمۍ، لچیما خڕکەرمۍ و زۋانما سەرۆ پەی واری دلۍ بۆشایی دەمیمانە ژلیۋیۊ.

ۋاتەی (و) : ئەگەر بە وردی گوشدەیمۍ و پەی ژنەفتەو ویما ھەستو ویما گیرمۍ، لچیما بە شیۋیۋی خڕ چە یەکتری نزیککەرمیۋە و بەخێرایی لچی سەرینی بەرزکەرمیۋە و زۋانما بەژڵیۋیێۋی فرە کەم چە بۊشایی دەمیمانە ۋەرەو دما کیشمیمۋە.

دەنگو (ۊ) بە تەمامی چە دەنگو (و) و (وو) جیاۋازا و ئا دەنگە تەنیا زۋانی ھۆرامییەنە ھەن؛ نموونە پەی جیاکەردەی ھەر یەرە پیتەکەی :

کۊ : کەژ

مو : توك

ملوو: کردارو لۋای یەکەم کەسی تاکی / یەکەم کەسی قسەکەری.

ۋەرو ئانەیە کە چە ھیماو/ پیتو دەنگو (ۋ) و (و) و (وو) جیابوۋە، من ئی ھیمامە / پیتەمە (ۊ) پەیش نیانەرە.

 

سه‌رنجې

No Comments, be the first to Comment

سه‌رنجېوی تازه‌ بنیه‌ره‌‌