یانه‌ داستانې

ئه‌ده‌ب

چی پاسە نەنۋیسمۍ و نە وانمېۋە، کە ماچـمۍ؟

ئاکۊ مارانی

یەکو ئۆگوستو ٢٠١٧

ئارۊچ پېسەو ھەر ڕۊی کاناڵو (ھەورامان ھانەپەرچەرم) چە تێلەگرام کەردۆ، ھۊنیێۋە وەشە بەنامۊ (جووجەڵەکێم) نۋیستەی بەڕێز (فەتحوڵڵا ڕەزایی) ئەۋەوەنەی بە دەنگە وەشەکەو خاتوو (نادیا محەمەڎ)ی ۋەرو چەمام کۊتە و چڼ جارېۋ گۊشمم پەی شلکەردە، ھەم پەی وەشی ھۊنیێکۍ و ھەم پەی دەنگە وەشەکەو خاتوو (نادیا)ی.

(0)سه‌رنجېو چێ بنیه‌ره‌. سه‌رنجې‌

فره‌ته‌ر بوانۆ

 

وېنا کەرە ـ 1

 

ۋیناکەرە بەھەشت نەبۊئاسانا ئەگەر ۋیرکەریۆ
چېرمانە دۊزەخ نەبۊ
سەرو سەرەیچما تەنیا ئاسمان بۊ
ۋېناکەرە گردو خەڵکی ھەر پەی ئارۊی بژیۋۊ

ۋېناکەرە وڵات نەبۊ
فرە سەخت نېیا کەردەیش
پېناۋېۋ پەی کوشتەی و مەردەی نەبۊ
ھەر پاسە ئایین نەبۊ
ۋېناکەرە گردو خەڵکی ئاشتییەنە بژیۋۊ

تۊ، ڕەنگا ۋاچی تۊ
من خیاڵپڵاۋەنا، بەڵام تەنیا من نېیەنا
ئومیدوارەنا ڕۊزگارېۋ تۊیچ چنی ئېمە بی
گردو دنیایچ بۊ بە یۊ

ۋېناکەرە زیڼان نەبۊ
دڵوەشەنا ئەگەر بتاۋی تۊ  *
نیازمەندی ۋەرچەمتەنگی و ئاورای نەبۊ   
مرۊڤایەتی گرد یۊ بۊ  **
ۋېناکەرە دنیا ھامبەشی گردو خەڵکی بۊ

تۊ، ڕەنگا ۋاچی تۊ
من خیاڵپڵاۋەنا، بەڵام تەنیا من نېیەنا
ئومیدوارەنا ڕۊزگارېۋ تۊیچ چنی ئېمە بی
گردو دنیای پېسەو یۊی بژیۋۊ

جۆن لێنن

ھۊرگېڵنای : ئاکۊ مارانی

----------------------------------------------

(١) ھۊرگېڵیاو دەقە ئینگلیزییەکەی

* (دڵوەشەنا)، من ئی واژېمە بەکاربەرېنە، چونکە نزیکتەرە چە مەبەسو نۋیسەری و بەکاربەردەی واژەو (سەرسوڕمەنەی / تەعەجوب)ی واتێۋە نېگەتېڤە بە دېڕەکۍ مڎو، کە مەبەسو ھۊنیەرەکەی پېچەۋانەکەرۊۋە؛ (سەرەم سڕمەنۊ کە تۊ متاۋی) کە بە واتاو بڕۋانەبیەی بە توانایی کەسا تەری و تایبەتبیەی توانایی پەی کەسانېۋی دیاریکریای.

** بە پەیلۋاو من ئیتر کاتو ئانەیە ئامان، دەسەواژەو (برایەتی مرۆڤایەتی/ برایەتی گردو مرۆڤەکا) فڕەدریۊنە دلۍ سەخەڵدانو مێژووی، چونکە مرۆڤایەتی تەنیا نېرینۍ و پیێ نییەنۍ، بەڵکو ژەنیچەنۍ. بیجگە ئانەیچە ھەر کەس (جۆن لێنن John Lennon)ی بژناسۊ، مزانۊ کە بڕۋای تەمامش بە یەکسانی ژەن و پیای بییەن و بەکاربەردەو ئا دەسەواژەیە تەنیا دەقگېرتەی زۋانی بییەن.

 

(0)سه‌رنجېو چێ بنیه‌ره‌. سه‌رنجې‌

Last Updated (Friday, 12 May 2017 17:58)

 

بەڵام خەندەو وېت نا

 

نان چە من بڕە، ئەگەر گەرەکتا،

ھەۋا چە من بڕە، بەڵام
خەندەو وېت نا.

ۋلە سوورۍ چە من مەبڕە
سۊسەنېۋ کە وېت کیارېش، 

                        

(0)سه‌رنجېو چێ بنیه‌ره‌. سه‌رنجې‌

Last Updated (Friday, 12 May 2017 18:04)

فره‌ته‌ر بوانۆ

 

ۉەنەو بەندەنی

        Download Embed Embed this video on your site

     ۉەنەو بەندەنی

 

ئارؤ خیاڵم سەر کېشا و ڕەم کەرد

یەک ئان گوزارش ئۆ پەرۉنی بەرد

چا بڵند سارا گەردېۉ خېزنا

حیلېۉش پېکا و هەرسېۉ ڕېزنا

(0)سه‌رنجېو چێ بنیه‌ره‌. سه‌رنجې‌

Last Updated (Saturday, 13 May 2017 10:40)

فره‌ته‌ر بوانۆ

 

ۋېناکەرە

ۋېناکەرە، ھەرچڼە ۋېناکەردەیش سەختا

جەھانېۋ کە چاگە گرد کەس وەشبەختا

جەھانېۋ کە چاگە زەڕ و نەژاد و سەروەری نرخشا نېیا

وەڵامو ھامدەنگییەکا سەرکوتگەری پۆلیسی نېیا

(0)سه‌رنجېو چێ بنیه‌ره‌. سه‌رنجې‌

Last Updated (Sunday, 15 January 2017 22:01)

فره‌ته‌ر بوانۆ

 
More Articles...