ههشتوو مارسی، رو جههانی ژهنی پیروز بو

ئی رؤه که ئانا ئارو جه دنیانه ؤهرؤهڵا جهژنه گیریو، یوئین تۆسیهش کهرو و جنبشی فیمینیستی جه ویش مزانوش. یاد ئاؤهروو رهنج و خهباتوو ژهنه سوسیالیستا قهرنی ؤیهردهی پهی رزگاری جه رهگ و پهیا نیزامی سهرمایهدارین.

یو چا کهسه خهباتکاره دیاریا کلارا زیتکینهنه که یؤه جه ڕابهرا حزبوو سوسیالیستی و دماتهریچ کومونیستی وهختوو ئاڵمانی بی. کلارا جه ساڵهو 1910 جه کونفرانسوو ئینترناسیونالیستی ژهنا جه کوپنهاگهنه پیشنیاروو دیاری کهردهی ئی رویه پیسه رو ژهنی کهرو تا گرد ساڵیؤ چی رونه پهرچهمهو دژایهتی چهنی نیزاموو سهرمایهداری پیسه سهرچهمهو نابهرهبهریا کومهڵگای و چانیشا نابهرابهری ژهن و پیای بهرز کریوؤه.

چا وهختۆ تا به ئارو وهزعهو ژهنا جه بڕیؤ یاگانه و چانیشا جه روئاؤانه ریفورمی فریش به ویشۆ دیینی و وهزعه خاستهرهنه، بهڵام جه فرهو یاگاتهروو دنیای و چانیشا خاؤهرمیانهنه وهزعه ههر فره دماکۆتانینه.

پهلیانهو هۆرامانی پی جوره دهنگوو ویش ؤزو پاڵوو دهنگوو ئا ئینسانا که پهی لابهردهی گرد جوره نابهرابهرییؤی و چانیشا نابهرابهری ژهن و پیای خهباتشا کهردهن و خهبات کهرا و ئی رویه پیروز کهرو.

پهلیانهو هۆرامانی

ئافیشی ئاڵمانی جه ساڵهو 1914