خه‌ڵکی زه‌حمه‌تکێشی هه‌ورامان

جه‌ماوه‌ری به‌شه‌ره‌فی کوردستان

واجارێکی تر ده‌نگوباسی هه‌ڵبژاردن به‌گه‌رمی باشوری کوردستانی گرتوه‌ته‌وه‌. وا بڕیاره‌له‌ی ته‌موزی   2009وه‌هه‌ڵبژاردنی په‌ڕله‌مان و سه‌رۆکی کوردستان به‌ڕێوه‌بچێ و له‌هه‌مانکاتیشدا ده‌نگ بدرێ به‌ده‌ستوری هه‌رێمی کوردستان. هه‌روه‌کو ئاگادارن هه‌ڵبژاردنی ئه‌مجاره‌له‌بارودۆخێکدا هاتوه‌ته‌ئاراوه‌که‌گرانی، بێکاری، ده‌ربه‌ده‌ری و هه‌ڵهاتن ڕۆڵه‌کانی کوردستان بێئومێد ده‌کات. بارودۆخێک که‌له‌ناویا ئاوازی گه‌نده‌ڵی، بێ مافی و هه‌ڵوێستی نادیموکراتیانه‌هه‌مو سنورێکیان به‌زاندوه‌. له‌مبارودۆخه‌دا کۆمه‌ڵێک له‌ده‌ریای نازدا مه‌له‌ده‌که‌نو کۆمه‌ڵێکی زۆرتریش ئاره‌زومه‌ندی ساده‌ترین به‌شی پێویستیه‌کانی ژیانن.

وێرانی هه‌ورامانیش له‌چڵه‌پۆپه‌دایه‌و ‌زۆربه‌ی گونده‌کانی هێما هه‌ر چۆڵن. باخه‌کانی وشک بوون ته‌ڵانه‌کانیان به‌سه‌ر یه‌کا ڕووخاون، شوێنی کولتورو زمانه‌که‌ی شێواوه‌. نامه‌ی دوساڵ له‌مه‌وبه‌ری کۆمه‌ڵێ له‌هه‌ورامیه‌کان ده‌رباره‌ی پارێزگاری له‌زمانی هه‌ورامی هێشتا له‌چه‌کمه‌جه‌کانی پاڕله‌ماندا تۆزی لێده‌نیشێت.

ئێسته‌ش ئه‌وه‌تا پارته‌سیاسیه‌کان سه‌رله‌نوێ به‌ڕێوه‌ن تا جارێکی تر له‌ده‌رگاکانتان بده‌ن و داوای ده‌نگتان لێبکه‌ن. هه‌ندێکیان‌ده‌نگه‌کانی ئێوه‌یان ده‌وێت تا بیانکه‌نه‌وه‌به‌په‌رژین و لاپاڵیدا ئیدامه‌ی ئه‌و کارانه‌یان بده‌ن  که‌تا ئیسته‌خه‌ریکی بوون. هه‌ندێکی تریش چاویان بڕیوه‌ته‌شوێنه‌که‌ی ئه‌وان و کۆمه‌ڵێکیش با‌س له‌گۆڕان ده‌که‌ن.

ئه‌مڕۆ له‌هه‌موو جیهاندا که‌س نیه‌نه‌زانێت که‌به‌شی زۆری ناڕه‌زایه‌کانی کۆمه‌ڵگا ڕوبه‌روی ده‌سه‌ڵات ده‌بنه‌وه‌ که‌چی پارته‌ ده‌سه‌ڵاتداره‌کانی کوردستان کێچێکیش میوانیان نابێت و وه‌کو هه‌میشه‌و به‌بێ بچوکترین ڕه‌خنه ‌له‌خۆگرتن خه‌و به‌ده‌سه‌ڵاتی زیاتره‌وه‌ده‌بیننو پیلانی بۆ داده‌ڕێژن. خه‌ریکن تا له‌ڕێگه‌ی به‌رجه‌سته‌کردنی دوژمنه‌ ده‌ره‌کیه‌کان و ژماردنی ئه‌و کارانه‌ی که‌ده‌بوا زووتر بیان کردایا، زه‌مینه‌یه‌کی زیاتر بۆ به‌رژه‌وه‌ندیه‌ تایبه‌تی و بێبه‌هاکانی خۆیان ئاماده‌ده‌که‌ن.

ئه‌مانه ‌ جه‌ماوه‌ر به‌لایانه‌وه‌ ساوایه‌ و هه‌وڵی سه‌رپه‌رستی کردنی ده‌ده‌ن. واده‌رده‌خه‌ن که‌میلله‌ت به‌بێ ئه‌وان ژیانی دابین نابێت و ناتوانێ بژێوی خۆی  بکات و به‌ پێی ئه‌وه‌هه‌موو کۆششێک ده‌که‌ن تاوه‌کو هه‌ستو نه‌ستی میلله‌ت له‌ده‌ست خۆگرن.

جه‌ماوه‌ری خه‌باتگێڕی هه‌ورامان

هاووڵاتیه‌خۆشه‌ویسته‌کان

ده‌نگی ئێوه‌ئه‌توانێ کاریگه‌ری هه‌بێت له‌سه‌ر ئه‌م بارو دۆخه‌ناله‌باره‌و شوێنپه‌نجه‌ی خۆی دیاری بکات.  چاوی هۆشیاریتان بکه‌نه‌وه‌و ده‌نگه‌کانتان به‌هه‌رزان دامه‌نێن.  هه‌موو پێوه‌ره‌ لۆجیکیه‌کانی ڕۆژانه ‌ئه‌وه‌ نیشان ده‌دات که‌مافه‌کانی ئێوه ‌له‌که‌شو هه‌وایه‌کی ئازادو دیموکراتدا به‌ئاسانتر ده‌ست ده‌که‌ون.

ده‌نگی خۆتان بده‌ن به‌دیموکراسیو هه‌وڵبده‌ن تا یارمه‌تیده‌ری پرۆسه‌ی دیموکراسی بن. به‌جۆرێکو به‌که‌سانێک ده‌نگ بده‌ن که‌بتوانن له‌په‌ڕله‌ماندا ده‌نگی ئازاره‌کانتان به‌رزکه‌نه‌وه‌و په‌ڕله‌مان له‌ساردو سڕی ڕاچڵه‌کێنن و بتوانن خاوه‌ن ده‌نگ بن، له‌خۆتان بنو هاوده‌ردتان بن و  بتان ناسنو بیان ناسن.

کۆمه‌ڵێک له‌دڵسۆزانی هه‌ورامان له‌ده‌ره‌وه‌ی ووڵات

24062009  ‌ ‌